Санхүүгийн зохицуулах хорооны эрх зүйн байдлын тухай хуулийн 6 дугаар зүйлийн 6.1.1. 6.2.10, Уул уурхайн бүтээгдэхүүний биржийн тухай хуулийн 9 дүгээр зүйлийн 9.2 дахь хэсгийг тус тус үндэслэн Санхүүгийн зохицуулах хороо нь 2025 оны 09 дүгээр сарын 25-ны өдрийн 354 дугаар тогтоолоор дараах журмуудад орсон нэмэлт өөрчлөлтийг үйл ажиллагаандаа дагаж мөрдүүлэхийг зөвшөөрлөө.  

• "Уул уурхайн бүтээгдэхүүний биржийн арилжааны журам", 
• "Уул уурхайн бүтээгдэхүүний биржийн арилжааны төлбөр тооцооны журам"-уудад дараах зохицуулалтыг тусгасан. 

Үүнд: 

1. Уул уурхайн бүтээгдэхүүний биржээр арилжаалагдахаар бүртгэгдсэн арилжааны дуудах доод үнийг өсгөх боломжийг нээлттэй болгох;  
2. Уул уурхайн бүтээгдэхүүний биржээр арилжаалагдах их хэмжээний багцын арилжааны захиалгыг ажлын 9 хоногийн өмнө биржид ирүүлэх зохицуулалтыг хасч,  уул уурхайн бүтээгдэхүүний тоо хэмжээнээс үл хамааран захиалгыг ажлын 7 хоногт хүлээн авах, арилжааны зарыг арилжаа зохион байгуулагдахаас ажлын 5 хоногийн өмнө Биржийн цахим хуудаст нийтлэх;  
3. Уул уурхайн бүтээгдэхүүний биржээр арилжаалагдах эрчим хүчний нүүрсний үнийг зах зээлийн өсөлт болон бууралттай уялдуулж, эрчим хүчний нүүрсний үнэд индекс тооцох аргачлалыг нэмж тусгалаа.  

"Уул уурхайн бүтээгдэхүүний биржийн арилжааны журам"-тай энд дарж танилцана уу  

"Уул уурхайн бүтээгдэхүүний биржийн арилжааны төлбөр тооцооны журам"-тай энд дарж танилцана уу  

                                                                                               МОНГОЛЫН ХӨРӨНГИЙН БИРЖ